Tsy misy intsony ny fisoràtana anarana @ fanompoam-pivavahana
Miarahaba antsika amin’ny anaran’i Tompo.
Toy izao manaraka izao indray ny fandaminana ny amin’ny fanompoam – pivavahana ny alahady 5 jiolay 2020 ho avy izao :
1. Tsy misy intsony ny fisoratana anarana amin’ny Facebook, ny Site Web , ao amin’ny sacristain ary amin’ny laharana finday mahazatra.
2. Toy izao manaraka izao ny ora fidirana: 7 h 30, 9 h 00
3. Mbola mitoetra avokoa ireo fepetra ara – pahasalamana rehetra . Tsara raha tsy manatrika ny fanompoam – pivavahana ny olona marefo ara – pahasalamana sy ny zaza latsakin ‘ny folo taona.
4.Rehefa vita ny fanompoam – pivavahana maraina dia tsy maintsy manome ny anarana, ny fanampiny, ny adiresy, ny taona ary ny laharana finday ny olona nanatrika ny fanompoam – pivavahana rehetra.
5. Hivoaka ny alahady hariva, ao amin’ny Facebook sy ny Site Web, manomboka amin’ny 18 h 00 ny fanompoam – pivavahana.
Tiana ny manamarika fa :
1. Fetim – bokatra, izay fanaon’ny fiangonana isan – taona, ny alahady faha – 5 jiolay 2020 ho avy izao. Koa manentana antsika mpianakavin’ny finoana ny amin’ny fanatontosana ny adidy izay tandrify antsika tsirairay avy.
2. Raha tsy mbola manana ny karatra adidy vaovao ianao dia azonao atao tsara ny mandoa ny adidinao ary dia homena ny taratasy fanamarinana ny fandoavam – bola ianao. Ary dia asiana sonia sy fitomboka ny karatrao rehefa vonona.
Dia mankasitraka ny amin’ny fanarahana ny fandaminana ary dia mirary soa samy ho tahian’Andriamanitra.
NY BIRAON’NY FIANGONANA
